Karasmen Adat Paturay Tineung
KARESMEN ADAT PATURAY TINEUNG
Bubuka
Prolog
Karesmen adat paturay tineung atikan kelas 6
SD ...... dikawitan ...
v Pirigan gending jiro
Prolog
Ahung- ahung ceuk nu beh ditu
Bismilah damel wiwitan
Muji sukur kanu Maha Agung
Muja kanu Maha Kawasa
Anu ngancik teu ngajirim
Nu luhung taya tungtungna
Akbar taya tandingna
Nyatana Kang Murbeng Alam Allah ajawajala
Di dieu di palataran SD ... anu katelah
Rek muka silokaning adat sunda
Sugan karasa nyundana
Nu mungkur mungguh rahayu
Nu miang mangka waluya
Sumangga urang kawitan
Panghayap pangbagea
Wa, wa Lenser mangga geura jejeran ...
v Pirigan Lengser midang
Lagu: Uwa
Lengser midang medengkreng
Nganggo udat- udat loreng
Taqwana hideung solantreng
Bijil ti lawang saketeng
Seja muka kariaan
Atikan nu bakal miang
Seja muka kariaan
Atikan nu rek amitan (mangga lagu tiasa ditambih atanapi dirobih syairna)
Rajah Lenser
Prolog
Reup angin eureun heula, ... kadieu
rek aya beja ...
Jep sora simpe heula ,.. kadieu rek
aya bagja
Reup panas iuh hela,.. kula rek boga bewara
Lenser sila
Pun sapun kanu Maha Agung
Nu midamel bumi langit
Pun sapun kanu Maha Agung
Nu midamel bumi langit
Pangeran raga jeung sukma
Neda pangaping pangjaring
Diraksa tina gogoda
Anu jisim anu jirim
Run turun jati rahayu
Rahayu waluya diri
Bagja dunya aheratna
Nu dipamrih masing bukti
Nu diseja mangka nyata
Waluya tur lohjinawi
Bul kukusna..... bray padangna
Payung, Umbul- umbul, mamayang kaluar
v Pirigan: Rumiang, Gending Catrik, Sireum
Beurem (tiasa dipilih luyu sareng
kahoyong atanpi tiasa ngagunakeun dua gending)
Saparantosna
rengse anu nari, lajeng wa Lengser dihaturan ngahayap atikan nu bade amitan.
Prolog
Wa wa
Lengser mangga geura papag wawakil atikan nu bade amitan ka Bapa atanapi Ibu
guru.
v Pirigan: catrik atanapi anu sanesna kumaha kahoyong.
(atikan
dihaturan dugi ka panggung kanggo pamitan ka Bapa/ Ibu guru)
Prolog kanggo
atikan sareng guru mangga didamel nyalira luyu sareng kahoyong.
Saparantosna
atikan rengse amitan, lajeng Pupuhu Sakola nyanggakeun atikan ka sepuhna anu diwakilan
ku Pupuhu Komite.
Prolog:
Sakitu anu kapihatur karesmen adat paturay
tineung , mugia tawakufna anu kasuhun anu tinangtos masih seueur keneh
kakiranganana.
